Vitt mantri Sita Raman: Budget Pesh kiya Vittmantri Nirmala Sita Raman
Budget se beummid huye naukaripesha logo
Aaj pure desh ki najar bajat par thi. Hamesha ki tarah naukaripesha log bhi is par takataki lagaye baithe the. Yah bajat lokasabha chunav se pahale pesh ho raha tha. Aise mein ummide bhi bahut jyada thi. Logo ko lag raha tha ki vitt mantri Nirmala Sita Raman lokasabha chunav se pahle lokalubhavan bajat pesh karengi. Lekin, unhone aisa kuchh nahi kiya.
Thik 11 baje Nirmala Sita Raman ne bajat speach padhani shuru ki. Fir dekhte hi dekhte yah kab khatma ho gai, kuchh pata hi nahi laga. Naukaripesha log tax slab mein jis katauti ki aas lagaye baithe the, vah adhuri hi rah gai. Modi sarakar ke dusare karyakal ka antima bajat pesh karte huye Sita Raman koi bhi bada ailan karne se bachi. Albatta, unhone sarakar ki upalabdhiya ginane par jyada fokas kiya.
Vitt mantri Sita Raman: sabase lamba bajat bhashan
Vitt mantri Nirmala Sita Raman ne 2020-21 ke liye apna bajat bhashan 2 ghante 42 minut mein pura kiya tha. Yah ab tak ka sabase lamba bajat bhashan tha. Isake ulat thursday ko unhone apna chhatha bajat pesh karate huye chaunka diya. Yah unaka ab tak ka sabse chhota bajat bhashan tha.
Bahuto ko ummid thi ki Sita Raman antarim bajat mein kuchh bada dhamaka karengi. Chunki yah bajat lokasabha chunav se pahle aa raha tha aise mein logo ko kuchh bad lokalubhavan ghoshanao ki aas thi. Aise hi logo mein individual income taxpayer bhi the. Ve tax slab mein katauti ko karib-karib tay maan rahe the. Halanki, Sita Raman ne unhe nirash kiya. Unho tax slab mein kisi bhi tarah ke badalav ka prastav nahi kiya.
![](https://gramkesari.com/wp-content/uploads/2024/02/image.png)
Antarim bajat pesh karte huye vitt mantri Nirmala Sita Raman ne bada ailan kiya. Yah tax dimand se juda hai. Unhone 25,000 rupye tak ke sabhi vivadit tax dimand ko withdraw karane ki ghoshna ki hai. Vitt mantri ka dava hai ki is kadam se 1 karod Imanadar taxpayers ko fayada hoga.
Kya hai is budget ka message?
Vaise, sarakar ne is budget se bada message bhi diya hai. Usane dikhaya hai ki vah logo ko lubhane ke liye budget ko chunavi hathakanda nahi banayegi. Isake jariye yah bhi darshaya gaya hai ki welfare schemes ka ailan karane ke liye usake paas sirf budget mein hi ek manch nahin hai.
#FMToNDTV | "An announcement was made in this budget to promote self-reliance in defense": Finance Minister Nirmala Sitharaman tells NDTV#BudgetWithNDTV #NDTVExclusive #FirstOnNDTV pic.twitter.com/r9BqzZn9E6
— NDTV (@ndtv) February 2, 2024
Yaha kuchh bade ailan hain jo vitt mantri Nirmala Sita Raman ne 1 February ko antarim budget pesh karate huye kiye
1. Aayakar slab mein koi badalav nahi kiya gaya.
2. Corporate tax ki dar ko 22% se ghatakar 21% karne ki ghoshana ki gai.
3. Agriculture sector ko badhava dene ke liye 1.5 lakh karod rupye ka aavantan kiya gaya.
4. Fasal insurance yojana ka vistar kiya gaya.
5. Kisan credit card ke liye loan seema ko badhakar 1.6 laakh rupye kiya gaya.
6. Mahilao ko sashakt banane ke liye kai ghoshanaye ki gai.
7. Svachchh bharat mishan ke tahat 2024 tak sabhi gramin gharo mein shauchalay ki upalabdhata sunishchit karane ka lakshy rakha gaya.
8. Digital India Mission ko aage badhane ke liye kai ghoshanaye ki gai.
![](https://gramkesari.com/wp-content/uploads/2024/02/image-3.png)
tax dimand se judi
Vitt mantri Nirmala Sita Raman ne thursday ko antarim bajat pesh karate huye ek aham ailaan kiya. Yah 25 hajaar rupye ke tax dimand se judi hai. Vitt mantri ne apane bajat bhashan mein 25 hajaar rupye tak ke sabhi vivadit bakaya tax dimand ko vapas lene ki ghoshana ki hai. Aise tax dimand vale sabhi return ko automatic clear kar diya jayega. isake liye taxpayers ko kuchh karane ki jarurat nahi hogi. Yah ghoshana taxpayers ki zindagi ko aasan banane ke liye ki gai hai. Is kadam se 1 karod taxpayers ko fayada hoga. Aaiye, yaha janate hain is bare mein Sita Raman ne kya kaha hai.
mein taxpayers service mein sudhar karenge
Bajat bhashan ke anusar, mein taxpayers service mein sudhar ke liye ghoshana karna chahati hoon. Badi sankhya mein chhoti, non-verified, disputed direct tax demands hain. Uname se kai saal 1962 se purani hain. Yah bahi-khato mein bani hui hain. Isse Imanadar taxpayers ko chinta ho rahi hai. In dimand se baad ke varsho ke refund mein badha aa rahi hai. Main aise bakaya pratyaksh tax ko vapas lene ka prastav karati hoon. Vitt varsh 2009-10 tak ki avadhi ke liye yah 25,000 rupye tak aur vittiy varsh 2010-11 se 2014-15 ke liye 10,000 rupye tak hai. Isse lagabhag ek karod karadatao ko fayada hone ki ummid hai.
Antarim bajat mein Sita Raman ne jaha sustainable growth par fokas kiya. Vahi, kisi badi janakalyanakari yojana ka ailan karne se bachi. Rojagar mein badhotari ke liye bhi koi bada ailan na hone se nirasha hath lagi.
Vitt mantri Sita Raman: Experts welcomed
Experts ne is kadam ki sarahana ki hai. Unhone kaha hai ki taxpayers service ko badhane mein yah kadam madadagar hoga. Vitt varsh 2009-10 tak ki avadhi ke liye 25,000 rupye aur vitt varsh 2010-11 se vitt varsh 2014-15 ki avadhi ke liye 10,000 rupye tak ki vivadit aayakar mango ko vapas lene ka prastav sarahaniy hai.
Chhah tarah ke tax notice ka pench
Yah dhyan dene vali baat hai ki ek vyakti ko aayakar adhiniyam, 1961 ki alag-alag dharao ke tahat bakaya tax dimand ka notic mil sakta hai. Aamataur par ek vetanbhogi vyakti ko 6 prakar ke tax notice milate hain. Ye notice aayakar adhiniyam, 1961 ki dhaara – 143(1), 139(9), 142, 143(2), 148 aur 245 ke tahat mil sakate hain.
![](https://gramkesari.com/wp-content/uploads/2024/02/image-2.png)
Section 143(1) ke tahat tax notice tab bheja jata hai jab CPC, aayakar vibhag ki or se aayakar return proses hone ke baad tax mang dey hoti hai. Dhara 139(9) ka tax notice tab bheja jata hai jab koi vyakti doshapurn aayakar return dakhil karta hai. Isamen galat ITR form ka istemal karke ITR dakhil karna ya tax return dakhil karte samay hui koi any truti shamil hai. Isi tarah pichhale bakaya bakai ko chalu varsh ke aayakar refund ke sath samyojit karne ke liye karadata ko dhara 245 ke tahat notice jari kiya jata hai.
[…] Pandey ki maut ki khabar ke baad jaise-jaise unake 2-3 din purane unake video samane aa rahe the. Isake sath hi unake co-stars ke bhi bayan se lag raha […]