Bigg Boss17 apne antim padhav par layega ek aur nya twist…

Bigg Boss 17: Season ki shuruaat kai damdaar contestants ke saath hui thi. Ab season khatm hone mein kuchh hi samay rah gaya hai. Aakhari saptah mein kafi kuchh khaas hua hai. Kai shoking evictions huye jisme sabse pahle Ayesha ko ghar mein aai audience ne ghar se beghar kiya.

Bigg Boss season 17 mein bataur wildcard gain Ayesha Khan eliminet ho gai hain. Aur unhone bahar aate hi social media par ek video share kiya hai, jisme vah us klip ki baat kar rahi hain, jisme unhone Isha, Ankita aur Vicky Jain ke saath kuchh aisi baaten ki thi, jiska jikr Mannara ki bahan Mithali ne Salman Khan se ki thi.

Bigg Boss 17: Ayesha Khan ne viral video par di safai

Ayesha Khan finale se ek hafte pahle hi Bigg Boss season 17 se evikt ho gai. Unko ghar mein aai janta ki voting ke adhaar par show se beghar kiya gya. Unhonne bahar aate hi social media par lagatar post karne shuru kar di hain.

Pahle unhone Munawar Farooqui ke baare mein instagram par kaha tha ki picture abhi baki hai. Vah shayad unake liye kuchh aur khulase ya dave karegi. Halanki kab aur kya, ye to vah hi jane. Filahal unka ek vedio samne aaya hai. Jisame vah us baat par safai deti dikh rahi hain. Jiska jikr Mannara Chopra ki bahan Mithali Handa ne kiya tha.

Darasal, Mithali Honda ne Salman Khan se weekend ka vaar episod mein us live feed ka jikr kiya tha. Jisme Isha Malviya, Ankita Lokhande, Vicky Jain and Ayesha Khan milkar Mannara Chopra ko unke maa-papa ki najayaj ya sauteli beti kah rahi thi.

Ab isi klip ka jab Salman Khan ne ghar mein jikr kiya to koi samjha nahi. Ankita, Isha aur Vicky bhi anjaan rahe ki aakhir baat kis baare mein ho rahi hai. Ab isi video par Ayesha Khan ne ek clarification video bnakar instagram par post ki hai.

Mannara ko Ayesha-Ankita ne nahi kaha kuchh

Ayesha Khan ne kaha, maine instagram par ek video dekhi. Jaha main hoon, Vicky bhaiya, Ankita ji aur Isha hain, jo hum 4 dimaag ke kamre mein baithe hain aur mere khyaal se vo video live feed par li gai hai. Us video ke baare mein weekend ke vaar par bhi ek chhota-sa discussion hua tha. Aur use galat tarah se le liya gya hai.

View this post on Instagram

A post shared by Ayesha Khan (@ayeshaakhan_official)

Ya log samajh nahi paye ki vo baat-cheet aakhir kya ho rahi hai. Aur jab is baare mein baat hui to Ankita ji samajh bhi nahi pai ki vo kis baare mein baat ho rahi hai. Aur kab hua aisa. Saath hi Isha-Vicky bhaiya bhi nahi samajh paye. Aur main ab bahar hoon aur main us video ko dekh sakati hoon to main bas logon ko ye clear karana chahati hoon ki vaha par hum bas ek masti kar rahe hain.

Ayesha ne rakha tha Isha ka naam

Ayesha ne aage bataya, Isha ko main ek kirdaar ke naam se bulati hoon, jo Mushu hai. Jo meri ek bachchi hai aur main uski sakhat Maa hoon. Jise main uske bure bartav ke liye danti rahti hoon. Vaha bhi vahi ho raha tha. Vah kirdaar mein batamiji kar rahi thi aur main usko dant rahi thi.

Fir Ankita ji bolti hain ki ye aap hi ki bachchi hai na? To is par main bolti hoon ki ye meri sagi bachchi nahi hai. To main bas ye kahana chahti hoon ki hum log sirf masti kar rahe the. Ek skid kar rahe the. Ek kiradaar nibha rahe the. Aur agar aap gaur se us video ko sunege to main Isha ko Mushu kaha kar bulatee hoon. To please… main sirf ye saaf kahna chahti hoon ki hum charon kisi ke parivaar ko nicha nahin dikha rahe the. Hum kisi ko galat nahin bol rahe the.

Vahi ab bite din ke episod mein Salman Khan ne audience ke vote ke aadhaar par bataya ki Isha Malviya ka safar ab is ghar se khatm hota hai. Vahin ab pahle se jagah bana chuke finale week mein Munawar Farooqui, Arun, Mannara aur Abhishek Kumar, bache to ab janta ke votes ke hisab se Ankita aur Vicky Jain ko bhi is list mein samil kar diya hai.

Anil Kapoor ne ki gharvalon se baat-cheet

vahi iske baad sabse ghar ke sare hi sadasy rote huye najar aaye. Khaskar Abhishek khud ko rok nahi pate hai. Aur vah Isha ki ek tasvir lekar khud ke pas rakh lete hain. Bite din ke ek episod mein Anil Kapoor apni upcoming movie ‘Fighter’ ko promote karne pahunche the. Is dauraan Anil Kapoor bhi ghar ke sadasyo se baat-cheet karate najar aate hain.

Bigg Boss 17: Salman ne lagai Isha aur Ankita ki class

Iske baad Salman ne Isha aur Ankita ko nomination task mein huye chijon ko kafi danta aur kaha ki aap pure tarike se galat ja rahe ho. Iske saath hi Salman ne Ankita ko confusing insan bhi kaha hai. bta de ki task harne ke baad Isha aur Ankita ne kafi kuchh Mannara ko kaha tha. Ab contestants ke paas jyaada din nahin rah gaya hai.

yah hafta hoga khaas

Vahi bite din ke episod mein dekha gya ki Ankita apne pati se kahti hai. Ki main teri mammy se kaise baat karugi. Mujhe dar lag raha hai. Aise mein Vicky kahte hain. Ki aisa kuchh nahin hoga tu jyada mat soch. Is week contestants ke liye kafi khas hone vala hai.

6 mein se ab kisi 3 ko isi hafte ghar se beghar hona hoga. Agar hamari story se jude aapke kuchh sawal hain, to vo aap hame article ke niche diye comment box mein batein. Hum aap tak sahi jankari pahunchane ka prayas karate rahenge. Agar aapako ye story achchhi lagi hai, to ise share jarur karen. Aisi hi any story padhane ke liye jude rahen har zindgi se.