Wednesday, July 24, 2024
Google search engine
HomeLatestPolitics News: BJP ne khoj nikali Mahua Moitra ki kaat, TMC ko...

Politics News: BJP ne khoj nikali Mahua Moitra ki kaat, TMC ko takkar dengi shahi parivar ki Rajamata

Google search engine

Amrita Roy: Lokasabha chunav mein BJP ki najar Pashchim Bangal mein Bhagava jhanda laharane par hain. Sunday ko BJP ne aamchunav ko lekar apne ummidavaro ki panchavi suchi jari ki. Isame 111 ummidavaro ke naam shamil hain. Iske saath hi party ne 402 ummidavar chunavi maidan mein utaar diye hain. Pashchim Bangal ki Krishnanagar seat Se BJP ne shahi parivar ki Rajamata Amrita Roy ko chunavi maidan mein utara hain. Roy ka mukabla TMC ki kaddavar neta aur lokasabha se nilambit sansad Mahua Moitra se hona hain.

Pashchim Bangal ke Krishnanagar nirvachan shetr mein Trinamool Congress ki firebrand neta Mahua Moitra ke khilaf Rajamata Amrita Roy ko khada karane ke bhajapa ke faisale ko lokasabha chunav se pahle ek turup ke patte ke rup mein dekha ja raha hain. sunday ko bhajapa ne apane ummidavaro ki panchavi suchi mein Amrita Roy ke naam ki ghoshana ki. Shahi parivar ki Rajamata pichhale saptah hi party mein shamil hui.

Amrita Roy: Kaun hain Amrita Roy

Roy Krishnanagar ke Rajabadi ki Rajamata hain. Vah Krishnanagar se Talluk rakhati hain. Jaha 18vi shadi mein tatkalin Maharaja Krishna Chandra Roy ka raj hua karta tha. Itihas ki baat kare to Bangal mein ek pratishthit vyaktitv ke roop mein Krishna Chandra apane vakt mein ek mahaan Raja the. Nadia royal family se sambandhit, Krishna Chandra ko 18 saal ki umar mein Rajagaddi mili thi. Vah ek enlightened ruler the. Unhonne samajik, sanskrtik aur prashasanik sudharo mein mahatvapurn pragati ki. Rajy ke Vikas mein bahut yogadan diya. Aur shasak ke roop mein samaj aur bhavishy par ek sthayi prabhav chhoda. Prashasanik sudharo, kala ko badhava dene aur Bangali sanskrati ko badhava dene ke liye unhe aaj bhi jana jata hai.

Amrita Roy: Kitani takatavar Amrita Roy

Amrita Roy jis purv maharaja Krishna Chandra Roy ke parivar se aati hain, Pashchim bangal mein unke yogadan ko kabhi bhulaya nahi ja sakta. Aaj bhi unke karyo ko lekar unke parivar ke prati janta mein kafi samman hain. 20 March ko Bhajapa mein shamil hui Amrita ke aane se Pashchim Bangal mein bhajapa ko yakinan kafi takat mili hain. Bhajapa ke liye Mahua ke khilaf Amrita ko chunav ladana bahut mahatvapurn hain. Agar bhagva party chunav mein is seat nikalane mein kamayab rahati hain to yah Mamata ke liye bada jhatka hoga.

Roy se high kaman ki baatchit

Chunav visheshagyo ne kaha ki Amrita Roy ki ummidavari se bhajapa ke Manobal ko badhayega aur party ko pradesh mein Trinamool Congress ke khilaf kadi takkar mein bhi madad karegi. Bhajpa sutro ke mutabik, Nadia jila netratv ne sabse pahale Roy ko ummidavar banane mein dilachaspi dikhai thi. India tude ke mutabik, party ne unse sampark karna shuru kiya aur lokasabha chunav ladne ke liye kai daur ki batchit ki.

Amrita Roy: Mahua ke khilaf ladai kitani kathin

Mahua Moitra ne 2019 ke lokasabha chunav mein Krishnanagar seat se 6,14,872 vot hasil kar jeet hasil ki thi. Jabki bhajapa ke kalyan chaube ko 5,51,654 vot mile the. Moitra ne 63,218 ke bhari antar se jeet hasil ki thi.

Google search engine
RELATED ARTICLES

1 COMMENT

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments