Bigg Boss 17 Winner: Salman khan hosted reality T.V show Bigg Boss 17 ke Grand Finale mein winner ke naam ka faisla hone se pahle khiladiyo ko unake gharvalo se milane ka mauka diya gaya. Parivar valon ne Bigg Boss 17 ke Finale contestants se milkar unhe apne hi andaj mein Good luck wish kiya. Ankita Lokhande ki Maa ne unhe dahi chini khilakar Good luck wish kiya aur unhe ek cap aur sunglasses diye. Abhishek kumar ki Maa ne apne bete ko Mata ki chunni udhai.
Bigg Boss 17 Winner: Parivar valo ne yoon kaha top 5 ko Good Luck
Munawar Faruqui ki bahne unake liye ek photoframe lekar aai jisame unake bete ki photo thi. Mannara Chopra ki Maa unake liye unake poojaniy guruji ki bracelet lekar aai aur Arun ne apani Ammi ke pair chhookar hi khud ko jannat hokar aaya bataya. Bigg Boss 17 ke graind finale mein sabhi khiladi aapasi jhagade shant karate huye dikhai pade. Abhishek aur Samarth ne saath mein dance kiya. Abhishek ne Samarth se thappad ke liye mafi mangi aur vahi Samarth ne bhi unhe maaf kiya.
Salman Khan ne kiya parivar valo ko rost
Bigg Boss 17 ke grand finale mein Salman Khan gharvalo ko jamkar rost karte dikhai pade. Unhone finale tak pahunche khiladiyo ke gharvalo ko bhi nahi chhoda aur jab 2-3 baar bulane ke baad bhi jab unhone ghar se bahar aane ki unaki baat nahi suni to Salman Khan ne kaha- abhi samajh mein aa raha hai ki ye log hamari kyo nahi sunte hain. Jab aap log hi nahi sun rahe hain to bachcho mein bhi vaisi hi aadate hongi na. Gharvalo ke liye apne parivar valo se milne ka yah mauka kafi emotional.
khiladiyo ka safar khatm ho gaya
Bigg Boss 17 ke Grand Finale tak aakar teen khiladiyo ka safar khatm ho gaya. Aur top 2 mein sirf Munawar Faruqui aur Abhishek Kumar bache. Ankita Lokhande, Arun Mashetti and Mannara Chopra top 5 mein aane ke bavajud evikt ho gaye. Bigg Boss ne Grand Finale mein har contestant ko aakhiri natije se pahle apne gharvalo se milne ka mauka diya. Khiladiyo ki families se har koi apne hi andaj mein unhe good luck wish karne aaya tha. Lekin Arun, Ankita aur Mannara kis tarah ghar se beghar huye? Chaliye jante hain unake eviction ki prakriya kaisi rahi.
Arun Mashetti is tarah huye evikt
Bigg Boss 17 ke Grand Finale tak aakar Arun Mashetti jadui pudiya vale round mein evikt huye. Sabhi gharvalo ko ek ball mein pani diya gya tha jisame un sabhi ko ek sath jadui pudiya dalni thi. Is pudiya ko dalne ke baad jis khiladi ki pani ka rang badal jata use ekikt mana jata. Bade daravne andaj mein yah task Bigg Boss ne karvaya. Aur Ajay Devgan and R Madhavan ne is eviction task ko kordinet karvaya. Arun Mashetti ke baad agla eviction Mannara Chopra ka tha.
Dusre number par bahar aai ye khiladi
Mannara Chopra ka eviction Bigg Boss 17 se letter box task ke jariye hua. Bigg Boss ne gharvalo ko unake parivar ke ek sadasy ke sath area mein bheja aur fir har khiladi ko ek darvaje ke samane khada kar diya. Yaha sabke liye ek letter box laga hua tha. Aur Bigg Boss ne har khiladi ko apane box se letter nikalkar padhne ke liye kaha gya. Mannara, Munawar aur Abhishek ke letter mein safe likha tha aur Ankita Lokhande evikt ho gai. Ankita ke eviction par unaki sas hansti dikhi.
Bigg Boss 17 Winner: Top 3 tak aakar bahar hui Mannara
Ankita aur Arun ke eviction ke baad top 3 ki Daur par Abhishek Kumar, Mannara Chopra aur Munawar Faruqui ghar mein baki rah gaye the. Iske bad agla eviction Mannara Chopra ka hua. Salman Khan ne sidhe Mannara Chopra ka naam lekar unhe ghar se bahar aane ko kaha. Mannara ke eviction ke baad sirf Abhishek Kumar aur Munawar Faruqui hi baki rah gaye. Mannara Chopra ka jana bahut se logo ke liye shoking tha. Priyanka Chopra ki bahan Mannara ko bahut se log top 2 ki khiladi mankar chal rahe the.
Bigg Boss 17 winner Munawar Faruqui
Bigg Boss 17 Munawar Faruqui ke naam ho gya hai. Sabhi ko pichhe chhodkar Munawar ne is Season ko jeet liya. Salman Khan ne winner ke naam ka eilan kiya. Unake sath top 2 mein Abhishek kumar the. Finale mein dono ke alava Ankita Lokhande, Mannara Chopra aur Arun Mashetti pahunche the. Show se pahle hi kai pol se hint mil rahe the ki show ke winner Munawar hi honge. Social media par unaki tagdi fans following hai. Aur pahle hafte se hi vah popularity list mein sabse aage rahe.
Bigs Boss mein kaisa raha safar
Munawar ne trofi ke alava 50 lakh rupye aur ek Hyundai Creta car inam ke rup mein jeeti. Shuruaat se Munawar ka game jabradast raha. Vah apni poetry aur one liners se pure season chhaya raha. Bich mein unaka game thoda kamajor jarur hua lekin Salman Khan ne jab unhe iski or ishara kiya to unhone apna game sudhara. Fir Ayesha Khan ki entri ne to jaise Munawar ki zindagi mein bhuchal la diya. Unhone unaki Love life ko lekar kai khulase kiye. Jiske baad har koi hi hairan ho gaya.
Bigg Boss 17 Winner: Munawar ki khaas baate
Munawar ka janm Gujarat ke Junagadh mein hua. Baad mein unaka parivar Mumbai shift ho gaya. Peshe se vah stand up comedian hain. Jab vah 14 saal ke the tab unaki Maa ka nidhan ho gaya. Shuruaat mein parivar ki aarthik sthiti ko dekhate huye unhone kai chhote-mote kaam kiye. Vah ek bartan ki dukan par bhi kaam karata tha. Saal 2020 mein unake Pita ki maut ho gai Munawar ne 2017 mein shadi ki aur kuchh samay baad hi vah alag ho gaye. Unaka ek beta hai.
Bohot Bohot Shukriya Janta ❤️
— munawar faruqui (@munawar0018) January 28, 2024
Aapke pyaar aur support ke liye Aakhir kar Trophy Dongri aa hi gayi 🏆❤️ #munawarkijanta aur #munawarkewarrior ko mera dil se shukriya ❤️ #mkjw pic.twitter.com/XPrix3B2do
Bigg Boss se pahle comedian ne Ekta Kapoor ke reality show ‘Lockup’ mein hissa liya tha. Is show ko Kangana Ranaut ne host kiya. Vah is show ke winner bane the. In sabke sath Munawar rapper bhi hain. Vah gaane likhate hain. Unake kai music videos aa chuke hain.
