Tuesday, July 16, 2024
Google search engine
HomeEntertainmentAll About FlimsBollywood News: Bade director ki beti, 1 rupya lekar bus mein khati...

Bollywood News: Bade director ki beti, 1 rupya lekar bus mein khati thi dhakke, Sunny Deol sang hui hit

Google search engine

Raveena Tandon: Fil‍m indus‍try mein bade stars ke bachche acting mein career banane se pahle hi limelight chhaye rahate hain. Unka fashion sense, unka life style aksar surkhiyo mein rahta hain. Lekin ek jane mane director ki beti kisi daur mein ek rupya lekar bus mein dhakke khaya karti thi.

Bollywood ki vo talented actress jisane kabhi sangharsh ke dino bus mein khoob dhakke khaye. Bade filmmaker ki beti hone ke baad bhi use acting mein career banane ke liye kafi sangharsh karna pda. Govinda, Sunny Deol aur Akshay Kumar ke saath to is actress ki jodi ne kahar dha diya tha.

Raveena Tandon: Vo talented actress koi aur nahi

90 ki dashak ki vo talented actress koi aur nahi balki Raveena Tandon hain. Yakinan naam sunkar aap chaunk gaye honge. Lekin ye sach hain. Is baat ka khulasa khud Raveena Tandon ne apani film ‘Patna Shukla’ ke promotion ke dauran kiya hain.

90 ke daur ki mashahur actress Raveena Tandon in dino apani nai film ‘Patna Shukla’ ko lekar surkhiyo mein chhai hui hain. Isi bich Raveena ne apane sangharsh ke dino ki baat karate huye khulasa kiya ki us daur mein unhe acting mein career banane ke liye kafi struggle karna pda tha.

Hindustan samachar mein chhapi ek khabar ke mutabik Raveena Tandon ne haal hi mein ek interview ke dauran apane sangharsh ko bayan karate huye bataya ki us daur mein unke pita 70-80 ke dashak ke mashahur director-producer rahe, Lekin unhe fir industry mein jade jamane ke liye kafi struggle karna pda tha.

Raveena ne kaha ki unka industry mein koi Godfather nahi

Raveena Tandon ne apani baat rakhate huye kaha ki unka industry mein koi Godfather nahi tha. Aur unhe khud apna rasta banana pda, Raveena ne bataya ki us daur mein unhonne buso mein bhi khoob dhakke khaye hain. Vah jyadatar bus mein hi safar karti thi. Kiraye ke naam par unhe mahaj ek rupe diya jata tha.

Raveena ki mane to unhonne sangharsh ka vo daur dekha hain. Jab paisa kamane ke liye kadi mehanat karni padti thi. Apane dum par industry mein apni jagah banane valy Raveena Tandon ka jikr aaj top actress ke saath hota hain. Unhonne apane career mein kai hit aur blockbuster filme di hain.

Khastaur par Govinda aur Sunny Deol ke saath to unki jodi kafi hit rahi hain. Dono ke saath unhe kai hit aur blockbuster filmo mein kaam kiya hain. Akshay kumar ke saath unka gana Tip-Tip barsa pani… to log aaj bhi nahi bhool paye hain.

Google search engine
RELATED ARTICLES

2 COMMENTS

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments