Monday, July 22, 2024
Google search engine
HomeLatestUCC se Musalamano ko kya hain dikkate, Janiye- poore mudde...

UCC se Musalamano ko kya hain dikkate, Janiye- poore mudde…

Google search engine

Muslims on uniform civil code: UCC ke aane se muslamano mein machi lagi halchal.

Shariyat ka sahara lekar purush mahilao ke adhikark chhinte hai.

Muslims on uniform civil code: Filahal Muslim parsanal (shariyat) Application Act 1937 Musalamano par lagu hota hai. Aise mein agar UCC aata hai to sabhi dharmon ko ek kanoon ka hi palan karana hoga.

Ek bar fir deshabhar mein saman nagarik sanhita (ucc) ko lekar charchaye tej hain. Uttarakhand mein Tuesday (6 Febuary 2024) ko Pushkar Singh dhami ne saman nagarik sanhita, Uttarakhand-2024 vidheyak ko vidhanasabha mein pesh kiya.

Uttarakhand vidhanasabha mein jaise hi vidheyak pesh hua, muslim sangathano ne isaka virodh kiya halanki vidheyak par charcha abhi baki hai, jisake bad ise parit kiya jayega. aaiye janate hain ki UCC se musalamano ko dikkate kya hain?

Muslims on uniform civil code: UCC se Musalamano ko kya dikkate?

Bharat mein alag-alag dharmo ke apne-apne kanoon hai. Muslimo ke liye muslim parsanal low banaya gaya hai. Abhi muslimo par muslim parsanal (shariyat) Application Act 1937 lagu hota hai. Saman nagarik sanhita agar lagu hota hai to ye kanoon khatm kar ek samany kanoon ka palan karana hoga.

Shadi ki Umr

Bharat mein ladakiyo ki shadi ki nyoonatam umr ki bat kare to yah 18 saal rakhi gai hai. Muslim parsanal lo mein ladaki ke liye 15 saal ke baad shadi ki ijajat di gai hai. Bharat mein baal vivah nishedh adhiniyam banaya gaya hai, jisake chalate agar nabalig ladakiyo ki shadi aparadh ke antargat aata hai.

Is tarah ye muslim parsanal low ko pure tarike se chunauti deta hai. UCC lagu hone ke baad muslim parsanal lo khatm ho jayega, Sath hi shadi ki umr ka ye niyam bhi badal jayega. kanoon lagu hone ke baad shad ka registration jaruri hoga.

Talak- Iddat

Mahila ki dusari shadi- Musalaman talak ko lekar shariya kanoon ke anusaar chalate hain. Itana hi nahi musalamano ko parsanal low mein chhoot milati hai jo ki any dharmo ke special marriage act se alag hai. UCC ke lagoo hone ke baad ye sab khatm ho jayega.

Isake alava agar talak lene ke mamale mein agar koi shakhs kanoon todata hai to usake liye 3 saal jail ka pravadhan hai. Talak par purusho aur mahilao ka barabari ka adhikar hoga. Agar mahila dobara shadi karna chahati hai to us par kisi bhi tarah ki koi shart nahi hogi. Is kanoon mein halala ko lekar bhi sakht saja ka pravadhan hai. Isake alava iddat par bhi poori tarah se rok hogi.

Muslims on uniform civil code: Gujara-Bhatta

Talak ke baad mahila ko gujara-bhatta ke mamale mein musalamano mein alag niyam hai. Isake tahat muslim purush apani patni ko iddat ki avadhi (talak ke 3 mahine 10 din) tak hi gujara bhatta dene ke liye badhy hai. Vahi, Bharatiy kanoon ke tahat mahila talak ke baad hamesha ke liye (jab tak dusari shadi nahi karati) gujara bhatta pane ki hakadar hai.

Sampatti ka bantavara aur virasat

muslim mahilao ko virasat mein hisse ka adhikar islam ke aagaman ke saath hi hai, halanki bantavare ka hisab-kitab alag hai. Jis tarah hinduo ka virasat kanoon kahata hai ki hinduo mein beta aur beti ko sampatti mein barabar ka hak hai, lekin musalamano ko is mamale mein hastakshep ka dar hai.

Muslims on uniform civil code: Bahuvivah

Bahuvivah yani ek patni ke hote huye any shadiyan karana. Musalamano mein 4 shadiyo ki ijajat hai. Bharatiy musalamano mein ek se jyada shadi ka chalan hinduo ya dusare dharmo ki tarah hi hai.

National Family Health Survey ke deta ke anusar. 2019-21 ke dauran 1.9 pratishat mahilao ne mana ki unake pati ki dusari patniyan hain. Isase pata chalata hai ki musalaman 4 shaadiyon ke pakshadhar nahi hai. Lekin vo shariyat ke saath chhedachhad nahi chahate hain, yahi vajah hai ki ye UCC ke khilaf hain.

Adoption

Islam mein kisi shakhs ko Adoption lene ki ijajat nahi hai, lekin Bharat mein Adoption lene ka adhikar hai. Muslim parsanal low ke karan musalamano ko is kanoon se bahar rakha gaya hai. Aisa hone ke chalate koi beaulaad shaks kisee bachche ko god nahin le sakata hai.

Bachche ki kastadi

Musalamano par lagu hone vale shariyat kanoon ke anusar. Pita ko ladaka ya ladaki dono ka natural guardian mana jata hai. Maa ki bat kare to maa bete ki 7 saal ki umr puri hone tak ki kastadi ki hakadar hai. Beti ki baat kare to beti ke liye tab tak ki kastad ki hakadar hain. Jab tak usaki beti yauvan na prapt kar le.

Google search engine
RELATED ARTICLES

2 COMMENTS

  1. […] 10 February ko yah divas manaya jata hai. Yah divas ke mauke par log apane priyajano ko tohafe mein Bear dete hain. Yah ek aisa soft toy hai. Jo dekhane mein sundar pyara hota hai. Aur bachcho va aamataur par ladakiyo ko bahut pasand aata hai. Aise mein mohabbat ke is saptah mein ladake apani girlfriends ya krash ko express karane. Aur unase ijahar e mohabbat ke liye yah tohafe mein dete hain. Yah prem karuna, suraksha ke ahasas ka pratik hai. Alag-alag tarah ke Yah alag ahasaso ki abhivyakti karate hain. […]

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments