26 January Ganatantr divas par Saral aur Damadaar bhaashan

Republic Day Speech: 26 January Ganatantr Divas Par Fahraya Rashtriye Dhavj

Jai Hind. Bharat Mata ki Jai. Vande Matram

Kai Schools mein Nibandh Lekhan aur Bhaashan pratiyogitay bhi hoti hain. Agar aap bhi is mauke par speech dene ki yojana bana rahe hain to aap niche likhi speech ki madd le sakate hain.

Republic day speech: 75vaa Ganatantr divas manaya

Is baar 26 January ko desh apna 75vaa Ganatantr divas manaya. Yaani hamara desh ab Ganatantr ke rup mein 76ve varsh mein pravesh kar raha hai. French President Emmanuel Macron 75ve Ganatantr divas ki pared mein mukhay atithi honge. Rashtriy rajadhani Delhi ke Karttavy Path par desh ki sanskrtik vividhata mein Ekta, Akhandata aur Sainy takat ki jhalak dikhai degi. Aaj pure Bharat mein jasan aur utsah ka mahol bna hua hai. Pahli baar Haryana ki jhakiya shamil ki gai. Jiski sabne tarif ki. Is jhaki mein Bhagban ram g ki pran pratithta ki jhalak dikhai di.

Ganatantr divas ke avasar par vibhinn school, colleges aur government offices mein karyakram aayojit hote hain. Dhvajarohan ke alava kai schools mein nibandh lekhan aur Bhashan pratiyogitaye bhi hoti hain. Agar aap bhi is mauke par speech dene ki yojana bana rahe hain to aap niche likhi speech ki madd le sakate hain.

Republic day speech: Ganatantr divas par Bhashan

Ganatantr divas par Bhashan aadaraniy mukhy atithi, mere Adhyapakagan aur mere Sathiyo…Aaj Bharat apna 75va Ganatantr divas mana raha hai. Yaani hum log ab Ganatantr ke rup mein 76ve varsh mein pravesh kar gaye hain. 26 January ko rashtriy chhuti ghoshit ki gai hai.

Sabse pahle main aapko btana chahta hoon ki Ganatantr divas kyon mnaya jata hai. Darasal 15 August 1947 ko bhale hi desh aazad ho gaya tha lekin tab hamare paas apna Sanvidhan nahi tha. Aazadi ke teen saal baad hame apna sanvidhan mila. 26 January 1950 ko Bharat ka sanvidhan lagu kiya gaya tha.

Is din hi hamare desh ko apna sanvidhan mila tha. Sanvidhan ke bina koi desh nahi chal sakta. Sanvidhan lagu hone ke baad hamara desh Bharat ek Ganatantr desh ban gaya. Aaj isi itihasik aur shubh din ki 75vi Salagirah hai. Is shubh ghadi par main aap sabhi ko, desh aur videsh mein rahane vaale sabhi Bharat ke logo ko hardik badhai deta hoon.

Republic Day Speech: Bharat ki Gaurav-Gaatha par garv ka anubhav

Aaj har nagarik ko Bharat ki Gaurav-Gaatha par garv ka anubhav hota hai. Aazadi ke baad hum Bharatvasiyo ne veshumar upalabdhiyan hasil ki hain, aaj inhi upalabdhiyon ka jashn aur utsav manane ka din hai. Aaj hame desh ko aazad karane vaale svatantrata senaniyo aur sanvidhan banane vaale mahapurusho ko bhi naman karna chahiye. Hum aur hamara desh, Baba Saheb Bhimrao Ambedkar ka sadaiv rini rahega. Jinhone sanvidhan nirman mein sabse mahatvapurn bhumika nibhai.

desh aazad hua tab ye bhayankar garibi aur anapadh ke kuchakr mein fansa hua tha

Jab hamara desh aazad hua tab ye bhayankar garibi aur anapadh ke kuchakr mein fansa hua tha. Lekin saat dashako ki mehanat ke baad aaj hamaara desh Chaand par pahunch chuka hai. Paramaanu shakti sampann ban chuka hamara desh. Vikasit deshon ki list mein shamil hone ki dahalij par hai.

Bharat duniya ki 5vi sabase badi Arthavyavastha ban chuka hai. Covid-19 mahamari ke dauran pure vishv ki Arthavyavastha ki halat khasta ho gai. Bharat ki Arthavyavastha ko bhi kafi shati pahunchi. Lekin sangharsh ke dam par hum

behad kam samay mein mandi se bahar aa gaye aur fir se apani vikas yaatra ko shuru kiya.

Rajpath par bhavy Ganatantr divas samaroh ka aayojan

Ganatantr divas ke avasar par Rajpath par bhavy Ganatantr divas samaroh ka aayojan hota hai. Rashtrapati Tiranga Jhanda faharate hain. Rashtragan aur Dhvajarohan ke saath unhe 21 Topo ki salami di jati hai. Ashok Chakr aur kirti chakr jaise mahatvapurn samman diye jaate hain. Rajapath par niklane vaali jhankiyo mein Bharat ki vividhata mein Ekta ki jhalak dikhati hai. Pared mein Bharat ki teeno sena- nau sena, thal sena aur vaayu sena ki tucked shamil hoti hain. Aur sena ki takat dikhati hai.

Aaj desh mein samaj ke kamajor aur hashiye par pade tabako ka jeevan satar upar uthane aur mukhy dhara mein lane ke liye kai kalyanakari yojanao ko chalaya ja raha hain. Anusuchit jatiyo, janjaatiyo, mahilao, garibo, kisaano, majaduro ke kalyaan ke liye har sambhav prayas kiye ja rahe hain.

hamare Ganatantr ki ab tak ki vikas-gaatha

Vibhinn shetro mein karyarat kai pidhiyo ke log hamare Ganatantr ki ab tak ki vikas-gaatha mein amuly yogdan ke liye prashansa ke paatr hain. Kisano, majaduro, shikshako, vaigyaniko aur injiniyaro, pulisbalo ki bhumikao ki sarahana karni chahiye. Desh ki pragati mein yogdan dene vaale pratyek nagarik ki sarahana karani chahiye. Hame desh ki simao ki raksha karane vaale bahadur javaano, sainyakarmiyo ko bhi nahi bhulana chahiye jo hamesha kisi bhi tyag tatha balidan ke liye tayaar rahate hain.

Inke jajbe, shaury va himmat ko bhi salaam karana chahiye. Aaj hame aparadh, bhrashtachar, hinsa, naksalavad, aatankavad, garibi, berojagari, ling bhed, ashiksha jaisi samasyao ko jad se khatm karne ka sankalp lena chahie. Bharat ko jab tak is samasyaon se bahar nahi nikalte tab tak svatantrata senaniyo ka sapna pura nahi hoga. iske alava apne aas paas ke ilake ke svachchh rakhakar hame Bharat sarkar ne svachchhata abhiyan se bhi judna chahiye.

Ek bar fir mein Ganatantr divas ki haardik shubh kamanaye. Jai Hind. Bharat Mata ki Jai.