Tuesday, July 16, 2024
Google search engine
HomeEntertainmentAll About FlimsBollywood News: Big Boss Winner Munawar Faruqui Hukka baar mein pakde gaye

Bollywood News: Big Boss Winner Munawar Faruqui Hukka baar mein pakde gaye

Google search engine

Munawar Faruqui: Big Boss17 Winner Munawar Faruqui ko lekar ek badi khabar samane aa rahi hain. Tuesday der raat Mumbai police ki SS Branch ne ek hukka baar mein raid mari. Jaha unhonne standup comedian Munawar Faruqui samet 14 logo ko hirasat mein liya tha. Sabhi aaropiyo par COTPA ke tahat mamala darj kiya gaya hain. Halanki, police ne 41 A ka notice dekar Faruqui ko jane diya hain. Janate hain ki poora mamala kya hain.

Munawar Faruqui: Vivado mein Munawar Faruqui

Big Boss OTT 2 Winner Elvish Yadav ke baad Big Boss 17 winner Munawar Faruqui vivado mein aa gaye hain. Janakari ke mutabik, social service branch ne biti raat Mumbai ke Fort ilake mein stith Sabalan Hooka Parlor mein raid ke dauran kuchh logo ko hirasat mein liya. In logo mein se ek Munawar bhi the.

Police ko janakari mili thi ki parlor mein tobacco products ke saath nicotine ka upayog Hook parlor mein kiya ja raha hain. Filahal police is mamale ki janch kar rahi hain. Vahi agar tobacco products paye jate hain. To policre dvara Cigarette aur Tobacco Act ke tahat mamala darj kiya ja sakata hain. Halanki, Munawar Faruqui ko notice dekar raat mein hi ghar jane diya gya. Mamale mein ab tak Munawar ki taraf se official statement jari nahi kiya gya hain.

Mamale par kya boli police

Varishth police adhikariyo ne kaha ki jab police ne fort mein chal rahe Hookka parlor par chhapa mara, to Munawar Faruqui mauke par maujud the. Test ke dauran vo bhi positive paye gaye. Kyonki ye ek cognizable aparadh hain. Isake liye unhe dandit kar chhod diya gya hain. Faruqui par Cigarettes aur any Tobacco Products Act, 2003 aur COPTA 2003 ke tahat mamala darj kiya gya tha. Unpar kai doosari dharaye bhi lagai gai hain. Police ne Hookka parlor se 4400 rupye cash aur 9 Hooka pots baramad kiye hain. Ye pots lagbhag 13 hajar 500 rupye ke hain. Police mamale par janch kar rahi hain.

Munawar Faruqui: Pahale bhi vivado mein aaye the Munawar

Ye pahla mauka nahi hain jab Munawar ka naam vivado mein aaya hain. Isse pahle unhe 2021 mein Indore. Mein ek stand-ap comedy event ke dauran bhagwan Ram ke bare mein kuchh asanvedanshil tippani karane ke liye giraphtar kiya gya tha. Mamale mein lagbhag unhonne 35 din jail mein gujare the. Jail se bahar aane ke bad bhi unhe kai mushkilo ka samna karna pda tha.

Unhonne Online trolling to jheli hi, saath hi unake kai shows bhi cancel ho gye the. Iske baad unhonne Kangana Ranaut’ ke show Lockup se nya safar shuru kiya. Vo show ke winner banakar surkhiyo mein aaye. Lockup jeetne ke baad unhonne Big Boss 17 mein hissa liya aur vo show ke winner banakar bahar nikale. Big Boss jeetne ke baad unaki khushiya satave aasaman par thi. Vahi ek baar fir unka naam vivado se jud gya hain.

Google search engine
RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments