Subhash Chandra Bose Jayanti par unake jeevan ke baare mein janiye dilchasp baatein

Subhash Chandra Bose: Subhash Chandra Bose (23 January 1897-8 August 1945) Bharat ke svatantrata sangram ke agrani tatha sabse bade neta the. Dvitiy vishvayuddh ke dauran, angrezon ke khilaf ladne ke liye, unhone japan ke sahyog se aazad Hind fauj ka gathan kiya tha. Unake dvara diya gaya “Jay Hind” ka nara Bharat ka rashtriy naara ban gaya hai. “Tum Mujhe Khoon Do Main Tumhe Aajadi Dunga” ka naara bhi unaka tha jo us samay atyadhik prachalan mein aaya. Bharatvasi unhen neta ji ke naam se sambodhit karate hain.

Kuchh itihaskaro ka manna hai ki jab neta ji ne Japan aur Jarmani se sahayta lene ka prayas kiya tha, to British sarkar ne apne guptcharo ko 1941 mein unhe khatm karne ka aadesh diya tha.

Neta ji ne 5 July 1943 ko Singapur ke Town Hall ke samne ‘Supreme Commander’ ke rup mein sena ko sambodhit karte huye “Delhi chalo!” ka naara diya aur Japanese army ke sath milkar British va Commonwealth forces se barma sahit imfal aur Kohima mein ek sath jamkar morcha liya.

Subhash Chandra Bose: Aazad hind fauj ke sarvochch senapati

21 October1943 ko Bose ne aazad hind fauj ke sarvochch senapati ki haisiyat se Svatantr Bharat ki asthai sarkar banai jise Germany, Japan, Philippines, Korea, China, Italy, Manchukuo and Ireland sahit 11 desho ki sarkaro ne manyta di thi. Japan ne Andaman aur Nicobar is asthayi sarkar ko de diye. Subhash un dvipon mein gaye aur unaka naya naamkaran kiya.

1944 ko aazad Hind Fauj ne angrejon par dobara aakraman kiya aur kuchh Bharatiye pradesho ko angrejon se mukt bhi kra liya. Kohima ka yuddh 4 April 1944 se 22 june 1944 tak lda gya ek bhayankar yuddh tha. Is yuddh mein Japani sena ko pichhe hatana pada tha aur yahi ek mahatvapurn mod siddh hua.

6 July 1944 ko unhone rangun Radio Station se mahatma Gandhi ke naam ek prasaran jari kiya jisame unhone is nirnayak yuddh mein vijay ke liye unaka aashirvad aur shubh kamanayemangi.

View this post on Instagram

A post shared by Subhash Chandra Foundation (@subhashchandrafoundation)

Netaji ki mritiyu ko lekar vivad

Netaji ki mritiyu ko lekar aaj bhi vivad hai. Jaha Japan mein Prativarsh 18 August ko unaka shahid divas dhumdham se manaya jata hai vahi Bharat mein rahane vale unake parivar ke logon ka aaj bhi yah manana hai ki Subhash ki maut 1945 mein nahin hua. Ve usake baad Russ mein nazaraband the. Yadi aisa nahi hai to Bharat sarkar ne unaki mritiyu se sambandhit dastavej ab tak sarvajanik nahi kiye kyonki Neta ji ki mritiyu nahi hui thi.

16 january 2014 (Thursday) ko Calcutta High Court ne Neta ji ke lapta hone ke rahasy se jude khuphiya dastavejo ko sarvajanik karane ki mang vali janhit yachika par sunvai ke liye vishesh pith ke gathan ka aadesh diya.

Aazad Hind sarkar ke 75 varsh purn hone par itihas mein pahli baar varsh 2018 mein Bharat ke PM Narendra Modi ne Laal Kila par Tiranga Faharaya. 23 January 2021 ko Netaji kee 125vi jayanti hai jise Bharat sarkar ke nirnay ke tahat parakram divas ke rup mein manaya gaya .8 september 2022 ko Nai Dehli mein Raajapath, jiska namakaran kartavyapath kiya gaya hai. Par Netaji ki vishal pratima ka anavaran kiya gya.

Subhash Chandra Bose: Janm aur parivarik jeevan

Netaji Subhash Chandra Bose ka janm 23 January 1897 ko Odisha ke Cuttack city mein Hindu kayasth parivar mein hua tha. Unake pita ka naam Janakinath Bose aur Maa ka naam Prabhavati tha. Janakinath Bose Cuttack city ke mashahur vakil the. Pahle ve sarkari vakil the magar baad mein unhone niji practice shuru kar di thi. Unhone Cuttack Municipal Corporation mein lambe samay tak kaam kiya tha aur ve Bengal Legislative Assembly ke sadasye bhi rahe the.

Angrez sarkar ne unhen Rai Bahadur ka khitaab diya tha. Prabhavati Devi ke pita ka naam Ganganarayan Dutt tha. Dutt parivar ko Kolkata ka ek kulin parivar mana jata tha. Prabhavati aur Janakinath Bose ki kul milakar 14 santane thi jisme 6 betiya aur 8 bete the. Subhash unaki 9vi santan aur 5ve bete the. Apne sabhi bhaiyo mein se Subhash ko sabase adhik lagav Sharad Chandr se tha. Sharadbabu Prabhavati aur Janakinath ke dusre bete the. Subhash unhe Mejda kahate the. Sharadbabu ki patni ka naam Vibhavati tha.

Shiksha Diksha se lekar ICS tak ka safar

Cuttack ke Protestant School se primary shiksha purn kar 1909 mein unhone avenshaw Collegiate School mein dakhila liya. College ke principal Benimadhav Das ke vyaktitv ka Subhash ke man par achchha prabhav pda. Maatr 15 varsh ki aayu mein Subhash ne Vivekananda’s literature ka purn adhyayan kar liya tha.

1915 mein unhone Intermediate ki examination bimar hone ke bavajud dvitiy shreni mein uttirn ki. 1916 mein jab ve Philosophy (Hons) mein B.A. ke chhaatr the kisi baat par Presidency College ke teachers aur chhatron ke bich jhagda ho gya Subhash ne chhatron ka netrtv sambhala jisake karan unhen Presidency College se ek saal ke liye nikal diya gya aur pariksha dene par pratibandh bhi laga diya.

Fort William Army mein rangarut ke rup mein pravesh

49vi Bengal Regiment mein Bharti ke liye unhone pariksha di kintu aankhen kharab hone ke karan unhe sena ke liye ayogy ghoshit kar diya gya. Kisi prakar Scottish Church College mein unhone pravesh to le liya kintu man sena mein hi jane ko kah raha tha. Khali samay ka upayog karane ke liye unhone Territorial Army examination di aur Fort William Army mein rangarut ke rup mein pravesh pa gye. Fir khyal aaya ki kahin intaramidiyet ki tarah B.A. mein bhi kam nambar na aa jaye Subhash ne khub man lagaakar padhai ki aur 1919 mein B.A. (onars) ki pariksha pratham shreni mein uttirn

Subhash Chandra Bose: Deshbhakto ka Deshbhakt kaha tha.

Subhash Chandr Bose ki jayanti par padhe unake baare mein kuchh rochak facts Mahatma Gandhi ne Netaji Subhash Chandr Bose ko deshbhakto ka deshbhakt kaha tha.

Netaji Subhash Chandr Bose: Deshabhakton ke bich Prince ke naam se jane jate the.

Subhash Chandr Bose ne Mahatma Gandhi ko deshabhakto ka deshabhakt kaha, bhale hi donon ne do alag-alag political ideologies sajha ki ho. Yah ek dilachasp tathy hai jo ek baar fir Netaji ke bade dil ko ujagar karta hai. Neta ko 11 baar kaid kiya gaya tha.

Deshabhakton ki baat karen to Bose svayam ek aadhyatmik deshabhakt the. Netaji ka Maanas Swami Vivekananda aur shri Ramakrishna Paramahamsa se kafi prabhavit tha. Vah 15 varsh ke the jab unhen pahli baar Swami Vivekananda ke karyo ka pta chla. Jiske baad aadhyatmikta ke prati unaka shashvat jhukav prakat hua. Aur unake bhitar ek kranti kai guna badh gai. Unaka maanana ​​tha ki dono aadhyaatmik guru ek adrsh vyakti ke do pahalu hain.

Is mahan svatantrata senani ko 1921 se 1941 ki avadhi ke dauran 11 baar kaid kiya gaya tha. Jail mein rahte huye unhone 1930 mein Calcutta ke Mayor ka pad grahan kiya tha.

Germany mein Aazad Hind redio station ki sthapna Netaji ne ki thi. Jay Hind, Delhi Chalo, Mujhe Khoon Do Aur Main Tumhen Aazadi Doonga jaise vakyansh Netaji dvaara gadhe gaye the.

Kaha jaata hai ki jab Netaji ne Bharat ki Aazadi ke liye samarthan jutane ke liye Germany mein apna samay bitaya. To unhone Emily Schencki se shadi ki thi jo ek Australian mahila thi. Aur German economist Anita Bose unaki beti thi.

Apna bhesh badlakar bhagane ki yojana

1941 mein jab ve najaraband the tab unhone apna bhesh badlakar bhagane ki yojana banai thi apne sathi Sisir Bose ke saath. Din-raat police dvara nigrani ki ja rahi thi. Yah Netaji ke dimag ki upaj thi ki bhagane ko kisi aisi chij ki aadh mein hone diya jaye jo asamany nahi lagati. Kuchh aisa jo har din hota hai. Is prakar, chacha Subhash ke liye ek tranjistar tyoon karne ka karan btate huye. Sisir pratidin Netaji se milane aate the aur ant mein Netaji ki dooradarshita ke saath unaki bhavy bhaagane ki yojana ko sakar kiya.

Netaji ne 1941 mein tatkalin Italian Foreign Minister Giuliano Ciano se mulakat ki thi. Jinhone unake saath svatantrata ki ghoshna ke msaude par charcha ki thi. Us dauran Bose apni patni ke saath karib 6 hafte Rome mein rahe the.

Subhash Chandr Bose ke anamol vichar

1. Ek vyakti kisi vichar ke liye mar sakta hai. Lekin vah vichar usaki mritiyu ke baad hajaron logon ke jeevan mein avtarit hoga.

2. Shashvat niyam yaad rakhe- agar aap kuchh pana chahte hain, to aapko kuchh dena hoga.

3. Jiske andar ‘Sanak’ nahin hoti, vah kabhi mahan nahin ban sakta.

4. Maine jeevan mein kabhi bhi khushamad nahin ki hai. Dusaro ko achchhi lagne vali baate karna mujhe nahi aata.

5. Yaad rakhe ki anyay aur galat se samajhota karne se bada koi apradh nahi hai.

6. Uchch vicharon se kamjoriyan door hoti hain. Hame hamesha uchch vichar paida karte rahna chahiye.

7. Hamara safar kitna hi bhayank, kashtadai aur badtar ho, lekin hame aage badhate rahna hi hai. Safalta ka din dur ho sakta hain, lekin usaka aana anivarye hi hai.

8. Safalta ki niv hamesha asafalta se hi hokar gujarti hai.

9. Agar aapko kisi ke samne kuchh samay ke liye jhukana bhi pade to veero ki tarah jhukna.

10. Agar jeevan mein sangharsh na rahe, kisi bhi bhay ka samna na karna pade, to jeevan ka aadha svaad hi samapt ho jata hai.

11. Samay se purv ki paripakvata achchhi nahin hoti, chaahe vah kisi vrksh ki ho ya vyakti ki aur usaki haani aage chal kar bhugatni hi hoti hai.

12. Aasha ki koi na koi kiran hoti hai, jo hame kabhi jeevan se bhatkane nahi deti.