Varun Gandhi: Vaise to BJP pahale hi ye kah chuki hain. Ki Lokasabha chunav mein kai maujuda sansado ke tikat katkar unaki jagah naye cheharo ko mauka diya jayega. Lekin fir bhi vah ka tikat Pilibhit se kata jana political galiyaro mein charcha ka vishay bna hua hain.
Kya Gandhi parivar mein dashako purani siyasi dushmani ab khatam ho jayegi? Kya Rahul aur Varun ek sath aa jayenge? ye sawal tab se hi uth raha hain. Jab se Congress ne Varun Gandhi ko parti join karane ka khula offer diya hain. Loksabha chunav 19 April se shuru hone ja rahe hain.
Aise mein sabki nigahe filahal is baat par tiki hain. Ki BJP ne kiska tikat kat diya aur kise kaha se ummidavar banaya hain. Ab sabki nigahe Varun par tiki hui hain. Darasal Sunday ko BJP ne apne 111 ummidavaro ki 5vee list jari ki. Jisame Pilibhit se maujuda sansad Varun Gandhi ka tikat kat diya gya.
Varun Gandhi: Kya Congress join karenge
Vaise to yah seat Gandhi parivar ki paramparagat seat rahi hain. Varun ki Maa Menaka Gandhi is seat se 6 baar sansad chuni gai. To vahi Varun yaha se 2 baar sansad chune gaye. Yani ki vah pichhale 10 salo se is seat ka pratinidhitv kar rahe hain. Lekin is baar BJP ne Varun Gandhi ko Pilibhit se Loksabha chunav ka tikat na dekar yaha se Jatin Prasad ko ummidavar ghoshit kar diya hain.
![](https://gramkesari.com/wp-content/uploads/2024/03/Untitled-1-copy-56.jpg)
Varun ko BJP ne is chunav darakinar kya kiya ki Congress is mauke ko bhunane ka koi mauka nahi chhod rahi hain. Congress apna pasa fenk chuki hain. Varun Gandhi ko Congress ne parti join karane ka khula offer de diya. jiske baad ab sabki nigahe isi baat par lagi hain. Ki Varun Gandhi ka agla kadam kya hoga.
Gandhi parivar ke bich khatm hogi rajanitik dushmani?
Mana ja raha hain ki agar Varun Gandhi Congress ka offer svikar karate hain. To Gandhi parivar ke bich salo se jari siyasi dushmani khatm ho jayegi. Chachere bhai Rahul Gandhi aur Varun Gandhi fir ek baar siyasi taur par saath aa jayenge. Darasal Congress neta Adhir Ranjan Choudhary ne Varun Gandhi ko Congress join karane ka offer diya hain. Adhir Ranjan Choudhary ne BJP par karara var karate huye yaha tak kah diya ki Varun ko Gandhi hone ki kimat chukani pad rahi hain.
Gandhi parivar se talluk rakhane ki vajah se BJP ne unaka tikat kat diya hain. Iske saath hi Adhir Ranjan ne Rahul Gandhi ke chachere bhai Varun ki tarif mein kaside padhate huye kaha, “vah ek bade, sushikshit aur saf chhavi ke rajneta hain. Hum chahate hain ki Varun Gandhi ab Congress mein shamil ho sakte hain. Agar parti join karate hain, to hame khushi hogi.”
Varun ko mili kis baat ki saja?
Vaise to BJP pahale hi ye kah chuki hain ki kai maujuda sansado ke tikat katkar unaki jagah naye cheharo ko mauka diya jayega. Lekin fir bhi Varun ka tikat Pilibhit se kata jana rajanitik galiyaro mein charcha ka vishay bna hua hain. Iski ek badi vajah Varun ka mukhar hona bhi mana ja raha hain. Darasal Varun pichhale kafi samay se apani hi parti line se hatkar bayanabaji karate rahe hain.
![](https://gramkesari.com/wp-content/uploads/2024/03/image-81.png)
Social media par unke bayan khoob chhaye rahe. Chahe sharab ka prachar ho ya fir Saras ya Aarif ki dosti ki kahani ya fir UP mein sadako ke nirman ka mudda, Varun ke BJP sansad rahte in muddo ko teji se uthaya. Yaha tak ki berojagari, Agniveer Yojana aur kendr ki free rashan yojana tak Varun ko raas nahi aai. Kaha to ye bhi ja raha hain. Ki apani hi sarakar ke virodh mein svar uthana bhi Varun ka tikat kate jane ki badi vajah hain, Halanki BJP ne unki Maa Menaka ko Sultanpur se tikat diya hain.
Varun Gandhi: Kya hoga agla kadam?
BJP mein rahate parti line se hatkar bayanabaji ke baad lagatar ye sawal uthane lage ki kya Varun ka BJP se moh bhang hone laga hain. Ab Congress join karane ka khula offer unako mila hain. Dekhana ye hoga ki Varun ka agla kadam kya hoga. Kya vah apane chachere bhai Rahul Gandhi ke saath jayenge ya fir BJP ka saath nahi chhodenge, ye to aane vala vakt hi batayega.
[…] Begging: मैं मनीषा मेरी उम्र 16 साल है। मैं पढ़ाई… थी। पिता पेंटर थे और मां की तबीयत खराब […]